«Ինչ էլ լինի՝ պոետը պիտի չքծնի ինչ-որ մեկին». Վասակ Դարբինյան

Գրող, հրապարակախոս Վասակ Դարբինյանը ֆեյսբուքյան իր էջում գրել է. ««Մեր ժողովրդի որակյալ հատվածը գնաց «Հայաստան» և «Պատիվ ունեմ» դաշինքների հետևից»,- ասել է անզուգական բանաստեղծ Ռազմիկ Դավոյանը՝ իր այս անզուգական ձևակերպումով փորձելով մեծարել Ռոբերտ Քոչարյանին և նսեմացնել մեր ժողովրդին, թեև շատ լավ գիտի՝ «Ձայն բազմաց՝ ձայն Աստծո»:

Մեծարգո՛ պոետ, իմ պարտքն եմ համարում ասել քեզ հետևյալը. տարրական պարկեշտություն ունեցող պոետը պիտի չմոռանա, առավել ևս՝ պիտի չուրանա Աստվածաշնչյան այս բանաձևը:

Ինչ էլ լինի՝ պոետը պիտի չքծնի ինչ-որ մեկին, առավել ևս, եթե այդ ինչ-որ մեկը բավարար գրագիտություն չունի պոեզիա կարդալու և կարդացածն ընկալելու համար»: