«Խորհրդարանում օր ու արև չենք տալու այս իշխանություններին». Իշխան Սաղաթելյան

«Մեր պայքարը շարունակելու ենք ամբողջ թափով՝ անկախ նրանից, որ կլինենք խորհրդարանում, փողոցը մեզ համար ևս կարևոր է. այս ընդդիմությունը տարբերվելու է ՀՀ բոլոր ընդդիմություններից»,- այսօրվա ասուլիսի ժամանակ հայտարարեց ՀՅԴ Հայաստանի ԳՄ ներկայացուցիչ Իշխան Սաղաթելյանը, ապա դիմեց լրագրողներին. «Դուք և մեր հասարակությունը յուրաքանչյուր օր խորհրդարանում ու խորհրդարանից դուրս տեսնելու եք աննահանջ ու վճռական պայքար՝ իշխանության դեմ: Խորհրդարանում օր ու արև չենք տալու այս իշխանություններին»,- հավելեց բանախոսը: