Գոռ Սեդրակյանը կշարունակի մնալ կալանավորված

Վերաքննիչ քրեական դատարանը մերժել է «Պատիվ ունեմ» դաշինքի պատգամավորի թեկնածու Գոռ Սեդրակյանին կալանավորելու որոշման դեմ պաշտպանների բողոքը:

Պաշտպան Գայանե Պապոյանը լրագրողների հետ զրույցում ասել է, որ դեռ չեն ստացել դատարանի հրապարակած որոշումը. «Ե՛վ Առաջին ատյանի դատարանում, և՛ Վերաքննիչ դատարանում որպես վերաքննիչ բողոքի հակափաստարկներ, քրեական հետապնդող մարմինների կողմից չեն ներկայացվել պատշաճ ապացույցներ առ այն, որ Գոռ Սեդրակյանին մեղսագրվող արարքը համապատասխանում է ներկայացված փաստական տվյալներին: Այսինքն, առկա են անհամապատասխանություն արարքի իրավական որակման և ներկայացված փաստական տվյալների միջև»,- նշել է նա՝ հավելելով, որ բողոքարկելու են որոշումը: