«Քոչարյանը և դաշնակցությունը պլանավորում են ապակայունացնող գործողություններ»․ Լյովա Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. «Ռոբերտ Քոչարյանը և դաշնակցությունը պլանավորում են Հայաստանի ներսում ապակայունացմանն ուղղված գործողություններ, որոնք կառաջացնեն ներքին ճգնաժամի նոր բռնկում: Սրան է միտված ՍԴ դիմելը, որն արտահերթ նոր ընտրությամբ իշխանության գալու նոր փորձ է:
Դա չժխտեց Իշխան Սաղաթելյանը՝ հրապարակելով Գերագույն մարմնի հայտարարությունը, որտեղ ամբողջ կառույցը պատերազմ է հայտարարում ընտրված իշխանություններին:
Այդ քայլերը պետք է արժանանան համարժեք իրավա-քաղաքական և հանրային գնահատականի: Ժողովուրդն իր վճռորոշ խոսքը պետք է ասի, որովհետև Հայաստանում ապակայունացման որևէ նոր փորձ, բռնությամբ իշխանության հարց լուծելն այլ բան չէ, քան ազգային անվտանգության սպառնալիք:
Խելքներդ գլուխներդ հավաքեք: Այս անգամ ներում չպետք է լինի»: