«Նրա դեմ քրեական գործ չի հարուցվի, որովհետև նա սովորական «շիշ բռնող» չէ». Սուրեն Սուրենյանց

Քաղաքագետ Սուրեն Սուրենյանցը ֆեյսբուքյան իր էջում գրել է. «Ազգային ժողովի պատգամավոր Հայկ Սարգսյանը, որն ավելի շատ հայտնի է Շիշ բռնող մականունով, ՀՔԾ որոշմամբ օրենքից վեր է դասվել․ նա այսուհետ կարող է հանգիստ լրագրողի հեռախոս գողանալ կամ լրագրողի վիրավորել, նույնիսկ՝ ծեծել։ Նրա դեմ քրեական գործ չի հարուցվի, որովհետև նա սովորական «շիշ բռնող» չէ, այլ հեղափոխության արշալույսին պատիվ է ունեցել բռնել այն շիշը, որից կում-կում ջուր է խմել մեր անգնահատելի հեղափոխության սիրված առաջնորդը»։