«Ռուսաստանի հենարան հանդիսացող ուժի առաջնորդը հանդիպում է խնդրում Ռուսաստանի հակառակորդ երկրի դեսպանից». Հայկ Մարտիրոսյան

Քաղաքագետ Հայկ Մարտիրոսյանի ֆեյսբուքյան գրառումը. «Ռուսաստանի ամենանվիրյալ հենարան Ռոբերտ Քոչարյանի ամենակարևոր հենարաններից մեկը՝ Սյունիքի ռեգիոնալ կուսակցության առաջնորդ Վահե Հակոբյանը բողոքում է նիկոլ փաշինյանի կողմից իրենց դեմ սկսված հալածանքներից և հայտնում, որ հանդիպելու է ԱՄՆ դեսպանին ու ամեն բան պատմելու է նրան:

Փաստորեն Ռուսաստանի հենարան հանդիսացող ուժի առաջնորդը հանդիպում է խնդրում Ռուսաստանի անհաշտ հակառակորդ երկրի դեսպանից և աջակցություն ակնկալում նրանից:

Երկու ռուսահպատակ ուժերից մեկը հալածում է մյուսին, Ռուսաստանը հանգիստ հետևում է դրան, և հալածվող ռուսամոլ ուժն օգնություն է ակնկալում Ամերիկայից:

Այսպիսի գրոտեսկ միայն պղծված քաղաքական դաշտով Հայաստանում է հնարավոր»: