«Վերաքննիչ ու Վճռաբեկ դատարաններում մի կոռումպացվածին փոխարինում եք մյուսով». Հ. Խուրշուդյան

Քաղաքագետ Հովսեփ Խուշուդյանը ֆեյսբուքյան իր էջում գրել է. «ՍԴ-ն սահմանադրական է ճանաչել նախագահ Արմեն Սարգսյանի վիճարկած օրենքը դատաիրավական բարեփոխումների մասին: Կառավարության այսօրվա նիստում որոշում կայացվեց 20 դատավորի լրացուցիչ հաստիք հատկացնել և ֆինանսավորել: Այս նոր դատավորներն անցնելու են բարեվարքության ստուգման մի քանի փուլ, անցնելու են նաև վերապատրաստում: Սա կարևոր բարեփոխում է, սակայն դատական համակարգում տիրող կաստայական համակարգը, այն սպրուտը, որում ընդգրկված է դատավորների մեծ մասը, հաղթահարել հնարավոր է միայն դատական համակարգի բրգի վերին հատվածներն ամբողջապես փոխելով:
Իսկ որտեղի՞ց վերցնել ազնիվ, անկաշառ ու բարևարքության միջազգային նորմերին համապատասխանող դատավորներ, կհարցնեք: Արտասահմանից և միայն Արեւմուտքի երկրներից: Եվրոմիությունում, Մեծ Բրիտանիայում, ԱՄՆ-ում, Կանադայում աշխատող մի քանի տասնյակ դատավորներ կան: Հրավիրեք և ընտրեք ՍԴ, Վերաքննիչ, Վճռաբեկ դատարանների դատավոր, փոխեք օրենքը՝ բարձրացրեք աշխատավարձերը, եթե պետք է՝ կրկնակի, եռակի, օրենքով թույլ տվեք երկքաղաքացիների ընտրությունը այդ պաշտոններում, ընդ որում՝ առանց քաղաքացիության ժամկետային ցենզի: Թե չէ դրել եք Վերաքննիչ ու Վճռաբեկ դատարաններում մի կոռումպացվածին փոխարինում եք մյուսով»: