«Տեսե՛ք, թե ինչով է զբաղված ԲՏԱ նախարարը». Կարեն Սիմոնյան

ԼՀԿ-ական Կարեն Սիմոնյանը ֆեյսբուքյան իր էջում գրել է. «Բարձր տեխնոլոգիական արդյունաբերության նախարարությունը հանրային քնարկման է դրել նախագիծ, ըստ որի առաջարկում է պետական աշխատակիցների գործուղումների վերաբերյալ հաշվետվությունների կառուցվածքից հանել գործուղման նպատակը, քննարկված թեմաները, հանդիպումները, ելույթները, հանդիպման ժամանակ ընդունված որոշումները և առաջարկությունները։
Այսինքն, հանրությունը պետք չէ, որ իմանա, թե իր հարկերի հաշվին որ պաշտոնյան ուր է մեկնում և ինչու։ Պատճառը, իբրև թե, պետական շահի դեմ առկա ռիսկերն են։
Էսպես որ գնաց, հաջորդ նախագիծը Բարձր տեխնոլոգիական արդյունաբերության նախարարությունը բերելու է պետական բարձրաստիճան պաշտոնյաների աշխատավարձերի և պարգևավճարների չհրապարակման վերաբերյալ։ Հետո էլ ինձ մարդիկ հարցնում են ԲՏ արդույնաբերության զարգացման հեռանկարների մասին։ Ահա պատասխանը, տեսե՛ք, թե ինչով է զբաղված ԲՏԱ նախարարը և ինքներդ ասեք՝ կա՞ ապագա ՀՀ ԲԱՐՁՐ տեխնոլոգիական արդյունաբերության ոլորտում»: