««Մտահոգ» հասկացողները գիտակցաբար լռության կմատնեն այս արձանագրումը». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրել է․ «Վերջին մոսկովյան այցի մասին այդպես էլ որևէ տեղեկություններ չտրվեցին հանրությանը։

Միակ ուղերձը, որը կարող ենք արձանագրել Արցախի նախագահի հանդիպման ժամանակ, ԵԱՀԿ Մինսկի համանախագահության և նրա օրակարգի արձանագրումն է, որն արդեն կարևոր է։

Իհարկե, այսպես կոչված «մտահոգ» հասկացողները գիտակցաբար լռության կմատնեն այս արձանագրումը, ըստ քաղաքական նպատակահարմարության, որը ոչ մի ընդհանրություն չունի պետության ու նրա քաղաքացիների շահերի հետ»։