«Մեր քաղաքական էլիտան իրեն ռետինե խողովակի տեղ է դրել». Վարդան Բալյան

Քաղաքական վերլուծաբան Վարդան Բալյանը ֆեյսբուքյան իր էջում գրել է. «Ադրբեջանի տնտեսական շրջանների քարտեզն է՝ կանաչ գույնով Արևելյան Զանգեզուր, մանուշակագույն՝ Ղարաբաղ: Ի դեպ, ադրբեջանական փորձագիտական դաշտում քննարկվում է սովետական շրջանում Լեռնային Ղարաբաղ արհեստական եզրույթից վերջնականապես հրաժարման և Ղարաբաղի շրջանի ամբողջականությունը վերականգնելու պատմական քայլի մասին: Հատկանշական է, որ նշում են ժամկետ՝ երեք տարի, որոնց ընթացքում պետք է ավարտվի փախստականների ամբողջական վերադարձը գրավված տարածքներ: Վերջին շրջանում հնարավորինս փորձում էի ձեռնպահ մնալ նոյեմբերի 9-ի եռակողմ գործարքի մանրամասներին անդրադառնալուց, բայց որքան հասկանում եմ՝ մեր քաղաքական էլիտան իրեն ռետինե խողովակի տեղ է դրել: Ստիպված ենք խոսել բաց և իրերը կոչել իրենց անունով»: