«Ամենադժվար հատվածն ենք հասել մեր ճանապարհորդության». Նարինե Կիրակոսյանի հերթական տեսանյութը՝ Արցախից

Բնապահպան Նարինե Կիրակոսյանը յութուբյան իր ալիքում հրապարակել է նոր տեսանյութ հայ-ադրբեջանական շփման գծի վերաբերյալ: Տեսանյութում նա հայտնում է, որ Ստեփանակերտից ուղևորվում է նախկին Շահումյանի շրջան՝ Չարեքթարի շրջան:

Ուղևորության մասին նա գրել է. «Սիրելիներս, ամենադժվար հատվածն ենք հասել մեր արցախյան ճանապարհորդության։ Ստիպված ենք եղել մի քանի տեղ սպասել ռուսական խաղաղապահների տեղակայման կետերում, որ ադրբեջանցիների շարասյունը անցնի, նոր մենք անցնենք։ Մի մասը տեսանյութի թողել եմ առանց սրբագրման, որ զգաք՝ ինչ է կատարվում։ Այնպես որ դիտեք ու մի մոռացեք․ գրեք ձեր մտքերի մասին, մեկնաբանեք ու նաև կիսվեք Արցախիս այս ճանապարհորդության ռեպորտաժներով»: