Վարդավառը՝ Քաշաթաղի Աղավնո գյուղում

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է. «Վարդավառը մեր ազգի կենսունակության խորհրդանիշ տոն է, որ գալիս է հեթանոսական ժամանակներից, երբ մենք աշխարհակալ ազգ էինք։
Արցախի Քաշաթաղի շրջանն այսօր մեր ազգի կենսունակության կարևոր խորհրդանիշ է, որտեղ հայերի ամուր ներկայությունն արյունատար անոթի դեր է կատարում և երաշխիք է Արցախի ապագայի համար։
Քաշաթաղի հերոսական Աղավնո գյուղը պատերազմի ժամանակ կանգնեց շնորհիվ Անդրանիկի, Պողոսի և մյուս նվիրյալների։ Այսօր Աղավնոն նույն կյանքով ապրում է, որտեղ միասին նշեցինք մեր ազգային տոնը՝ որպես մեկ ընտանիք։

Ուրախ եմ, որ Քաշաթաղի՝ մեզ մնացած հատվածն օրեցօր ավելի հայկական է շնչում՝ հանուն Արցախի վաղվա հաղթանակների ու ընդլայնման։ Մեր ճամփան հաստատուն է»։