Սևակ Հովհաննիսյանը՝ «Հայաստան» և «Պատիվ ունեմ» դաշինքների՝ բերման ենթարկված համակիրների մասին

«Ընտրական գործընթացի ժամանակահատվածում բերման է ենթարկվել ընդհանուր 110 անձ, որոնցից միայն 20-ն են «Հայաստան» դաշինքի ներկայացուցիչներ, համակիրներ, վստահված անձիք, այս կամ այն կերպ դաշինքի հետ ասոցացվող անձիք: 39-ը «Պատիվ ունեմ» դաշինքից են, մնացած 51-ը եղել են այլ կուսակցությունների համակիրներ, կամ ընտրական գործընթացի այլ մասնակիցներ»,- ՍԴ-ում հայտարարեց Երևան քաղաքի դատախազ Սևակ Հովհաննիսյանը՝ անդրադառնալով նաև խուզարկությունների վերաբերյալ վիճակագրությանը. «Ընտրական գործընթացի ողջ ժամանակահատվածում կատարվել է 29 խուզարկություն, որոնցից 7-ը կատարվել է «Հայաստան» դաշինքի հետ առնչվող անձանց բնակարաններում կամ շինություններում, 20-ը՝ «Պատիվ ունեմ» դաշինքի, իսկ 2-ը՝ այլ... Մեր կարծիքով «Հայաստան» և «Պատիվ ունեմ» դաշինքների բերման ենթարկված համակիրների և նրանց բնակարաններում ու շինություններում կատարված խուզարկությունների թիվը համաչափ է վերջինների կողմից կատարված առերևույթ ընտրական հանցագործությունների վերաբերյալ հաղորդումների թվին»,- ասաց Հովհաննիսյանը: