Արամ Վարդևանյանը հիշեցրեց Փաշինյանի՝ «կապույտ չագուչը ձեր գլխին է ջարդվելու» արտահայտությունը

«Զանգեզուրի պղնձամոլիբդենային կոմբինատն է հայտարարություն արել, ես իրենց զգուշացրել էի, որ աշխատողների նկատմամբ չփորձեն քաղաքական ներգործություն ցուցաբերել, դո՛ւք՝ Զանգեզուրի պղնձամոլիբդենային կոմբինա՛տ, կարմիր գիծն արդեն անցել եք, ինչը նշանակում է, որ կապույտ չագուչն առաջինը ձեր գլխին է ջարդվելու»,- նախընտրական քարոզարշավի ժամանակ այսպիսի հայտարարությամբ էր հանդես եկել Նիկոլ Փաշինյանը, որի խոսքերը ՍԴ նիստում ընթերցեց «Հայաստան» դաշինքի ներկայացուցիչ Արամ Վարդևանյանը:

«Ո՞րն էր այստեղ բռնության կոչը»,- հարցրեց դատախազության ներկայացուցիչ Սևակ Հովհաննիսյանը:

«Կապույտ չագուչը տալու եմ ձեր գլխին»,- ասաց Վարդևանյանը:

«Բանախոսի կողմից նշվել է մուրճի սիմվոլ լինելը՝ օրենքի դիկտատուրա սահմանելու տեսանկյունից. այդ խոսքերը պետք չէ ֆիզիկական իմաստով հասկանալ»,- արձագանքեց Հովհաննիսյանը: