«Ուզում եմ մեկնաբանել երեկվանից սոցցանցերը ողողած նյութերը». գերությունից վերադարձած Էրիկ Խաչատրյան

Գերությունից վերադարձած Էրիկ Խաչատրյանը ֆեյսբուքյան իր էջում գրել է․ «Ուզում եմ մեկնաբանել երեկվանից սոցցանցերը ողողած նյութերը։ Ինչպես գիտեք, ես գրեթե 1 տարի է սոցցանցերի հասանելիություն չեմ ունեցել, բնականաբար, չեմ հետևել ոչ ոքի գործունեությանը, իմ՝ Հայաստան վերադարձից հետո բազմաթիվ մարդիկ օրական նախաձեռնում են ինձ հետ հանդիպումներ, և ես մինչ օրս հանդիպել եմ բոլոր ցանկացողների հետ՝ անկախ նրանց քաղաքական հայացքներից և երբեք չեմ ուսումնասիրել նրանց ով լինելը, մինչ հանդիպումս: Այս հանդիպումն ևս եղել է Ռուստամի նախաձեռնությամբ և դրսից հովանավորողի առաջարկով փորձել են նախաձեռնել օգնություն: Մինչ օրս ես և ընտանիքս ոչ ոքից օգնություն չենք խնդրել և անգամ մեր շրջապատում շատերը տեղյակ չեն, որ մենք բնակվում ենք վարձակալած բնակարանում, իսկ ովքեր ինչ-ինչ հանգամանքներից ելնելով իմացել են այդ մասին՝ ամեն կերպ փորձում են օգնել մեզ սեփական տուն ունենալու համար: Շնորհակալ եմ բոլորին»: