Երեքշաբթի, 03 օգոստոսի, 2021 թ.
|
Ստեփանակերտում`   +29 °C

«Երասխում կրակոցներն Էրդողանի կասկածն ու մտավախությունն է՝ այդ առնչությամբ»․ Հակոբ Բադալյան

«Երասխում կրակոցներն Էրդողանի կասկածն ու մտավախությունն է՝ այդ առնչությամբ»․ Հակոբ Բադալյան
77
Չորեքշաբթի, 21 հուլիսի, 2021 թ., 00:36

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Երևանում արթուն լինելու մասին Ֆրանսիայի դեսպանի գրառումը, իհարկե, գրառում էր Ֆրանսիայի արթուն լինելու մասին: Դեռ ամիսներ առաջ կարծիք հայտնեցի, որ Ֆրանսիան ներկայացնում է ռեգիոնում նոր դերի հայտ, ինչը համաձայնեցված է Վաշինգթոնի հետ: Այսօր արդեն դրա մասին տագնապով խոսում են ռուսական փորձագիտական շրջանակեր: Կասկածում եմ, կամ ավելի շուտ վարկած ունեմ, որ նրանց և պատվիրատուների տագնապի խորքում այն չէ, որ այդ դերը կլինի ՌԴ հաշվին: Տագնապն այն է, որ այդ դերը Թուրքիայի հաշվին է և կարող է փլուզվել Թուրքիայի վրա կառուցված ռուսական քաղաքականությունն ու Կրեմլում կամ Լյուբլյանկայում կայացվի դեպի եվրաատլանտյան քաղաքականության հետգործակցության «մեծ անցման» մասին որոշում: Այդ անցումը Ռուսաստանի պարագայում մի շարք պատճառներով պահանջելու է տարիներ, պահանջելու է քողարկումներ, տեղատվություն-մակընթացություններ, գուցե տասնամյակմերով չափվող, բայց այն դառնում է ռացիոնալ անխուսափելիություն: Երասխում կրակոցներն Էրդողանի կասկածն ու մտավախությունն է այդ առնչությամբ, որի մյուս դրսևորումը արդեն Արևմուտքի ուղությամբ՝ Հյուսիսային Կիպրոսի ադրբեջանական ճանաչման ազդն է»։

Աղբյուրը`   Հակոբ Բադալյան