«Իրավիճակն առանց այդ էլ ճգնաժամային ու ծանր է, կարիք չկա գույներն էլ ավելի թանձրացնել». Սոսի Թաթիկյան

Հանրային կառավարման մասնագետ Սոսի Թաթիկյանը ֆեյսբուքյան իր էջում գրել է. «Վերջին ժամերի ընթացքում քանի քանի օգտատիրոջ, այդ թվում՝ մասնագետների ու քաղաքականապես ակտիվ / գիտակից մարդկանց, մոտ գրառումներ տեսա այն բանի վերաբերյալ, որ ներկայիս ճգնաժամային իրավիճակում Հայաստանը չունի ոչ ՀՀ ԱԳ և ոչ էլ ՊՆ նախարար:
Սա կամ անբավարար իրազեկվածություն է և կամ էլ միտումնավոր ապատեղեկատվություն:
Թե ԱԳ-ն և թե ՊՆ-ն ունեն առաջին տեղակալ / նախարարի պաշտոնակատար: Ակնհայտ է, որ նրանք երկուսն էլ հաստատվելու են նախարարների պաշտոնում, հենց որ ընթացակարգը դա թույլ տա:
Իսկ ընթացակարգը դա թույլ տալ չի կարող խորհրդարանական երկրում, քանի դեռ ԱԺ-ն չի հաստատվել:
Իրավիճակն առանց այդ էլ ճգնաժամային ու ծանր է, կարիք չկա գույներն էլ ավելի թանձրացնել: Ավելի լավ է կենտրոնանալ իրական խնդիրների վրա, և ոչ թե արհեստական խնդիրներ ստեղծել ու մատնացույց անել: Ի միջի այլոց, արհեստական դիսկուրս ստեղծեշը ուշադրությունը շեղում է իրական խնդիրներից ու դրանց լուծումից»: