Շաբաթ, 03 հոկտեմբերի, 2026 թ.
|
Ստեփանակերտում`   +10 °C

«ԲԴԽ-ին խորհուրդ կտամ հրապարակել դատավոր դառնալու ողջ գնացուցակը». Միհրան Պողոսյան

«ԲԴԽ-ին խորհուրդ կտամ հրապարակել դատավոր դառնալու ողջ գնացուցակը». Միհրան Պողոսյան
376
Ուրբաթ, 30 հուլիսի, 2021 թ., 19:42

Փաստաբան Միհրան Պողոսյանը ֆեյսբուքյան իր էջում գրառում է կատարել. «Նիկոլը ճիշտ էր, երբ ասում էր՝ «...երկրում եղել ա ու կա կաստայական համակարգ, որն ինքն իրեն վերարտադրել է ու էսօր դա ամենալավը երևում է իրավաբանների վրա»։

Հիմա նստած մտածում եմ, թե ի՞նչը պետք է ստիպեր 64 ամյա դատավորին, ով շատ թե քիչ հարգանք ուներ, աշխատել է Կոտայքի, Վճռաբեկ դատարանի քրեական պալատի ու 2 անգամ Վերաքննիչ քրեական դատարանի նախագահի պաշտոնում, պաշտոնավարման մայրամուտին գործարքի մեջ մտնել իշխանության հետ ու «պառկել» իշխանական մուրճի տակ, հլու հնազանդ սկսեր ձեռքով գործեր մակագրել «չվնգստացող» դատավորներին...

Ճիշտ եք, անձնական շահը, իսկ տվյալ դեպքում գործարքի արժեքը սեփական որդուն մինչդատական վարույթի նկատմամբ դատական վերահսկողություն իրականացնող (կալանք տվող) դատավորի հաստիքում նշանակելն է ու այդ կաստայական համակարգը վերարտադրելը...

Դուք զզվում եք անկախ իրավաբաններից, իսկ ԲԴԽ-ին խորհուրդ կտամ հրապարակել դատավոր դառնալու ողջ գնացուցակը...»:

Աղբյուրը`   Միհրան Պողոսյան