«Ես Լևոն Տեր-Պետրոսյանին չեմ պատասխանի». Վահագն Խաչատրյան

«Չեմ կարծում եմ, որ իմ նշանակումը շատ խիստ քաղաքական սկզբունքներից տարանջատվում է»,- լրագրողների հետ ճեպազրույցի ժամանակ ասել է ԲՏԱ նորանշանակ Վահագն Խաչատրյանը։

«Կառավարությունը երկու ձևով է կազմվում. նշանակվում են քաղաքական դեմքեր, որոնք իրականացնում են կառավարում, և կա նաև զուտ մասանգիտական հատկանիշներից ելնելով նշանակում: Ես չեմ կարծում, որ իմ նշանակումը խիստ տարբերվում է այս սկզբունքներից: Իմ կենսագրությունը, որ մանրամասն կարդան, կմեղմացնեն իրենց գնահատականները. խորհրդային տարիներին ես աշխատել եմ բարձր տեխնոլոգիաներով զբաղվող ձեռնարկություններում: Իմ անձնական մոտեցումն այն է, որ նախարարը պետք է լինի լավ կառավարիչ, կարողանա աշխատանքները կոորդինացնել որպես մենեջմենթ»,- ասել է նա:

Հարցին, թե ինչ կպատասխանի առաջին նախագահ Լևոն Տեր-Պետրոսյանին, որը ՀԱԿ-ից իշխանություն գնացած գործիչների մասին խոսելիս ասել էր առնետավազք, Խաչատրյանն արձագանքեց․ «Չեմ պատասխանի, որովհետև Լևոն Տեր-Պետրոսյանն է»։