«Անհատներին լռեցնելու հին-նոր պրակտիկա է սկսում տարածվել». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Անհատներին, քաղաքացիներին, քաղաքական գործիչներին լռեցնելու հին-նոր պրակտիկա է սկսում տարածվել:

«Չպիտակավորել», «բնորոշումներ չտալ» և նման այլ լռեցնող արտահայտություն կիրառելով լրագրողները, այլ քաղաքական գործիչները և կամ պարզապես անձինք փորձում են փակել ազատ խոսքի ճանապարհն ու խցանել մարդկանց բերանները:

Միաժամանակ դրանով ցանկանում են ցույց տալ, որ իբրև թե իրենք քաղաքակիրթ են, իսկ դիմացինը՝ բարբարոս, որ իրեն իբրև թե «անպարկեշտ» խոսքեր է թույլ տալիս: Իրականում այդպես լռեցնողները ոչ միայն իրենք են քաղաքակրթությունից հետ մնացած արարծներ, որովհետև պիտակավորումներն ու որակումներն ամենաառաջադեմ Արևմուտքի քաղաքական բառապաշարի անբաժանելի մաս են և խոսքի ազատության կիրառում ու դրսևորում, այլև որովհետև այն թերմացքը, որ նման կերպ փորձում է լռության բռնատիրություն հաստատել, ինքն է անասնական՝ ստրկական մշակույթի կրող: Եթե դա, իհարկե, մշակույթ կարելի է անվանել:

Այսուհետ ամեն անգամ, երբ լսում եք, որ մեկն ասում է՝ «խնդրում եմ չպիտակավորել», «խնդրում եմ բնորոշումներ չտալ», իմացեք, որ ձեր առջև քաղաքական բռնատիրության առաջամարտիկ է, որ իր որակներով առավել մոտ է անասունին, քան մարդու, որի հետ կարելի է զրուցել կամ բանավիճել»: