Հաջորդ նիստին Արմեն Գևորգյանը բերման կենթարկվի. դատական նիստը հետաձգվեց

Երևանի ընդհանուր իրավասության դատարանում (Շենգավիթի նստավայր), նախագահությամբ դատավոր Աննա Դանիբեկյանի, այսօր տեղի է ունեցել ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի գործով դատական նիստը:

Արմեն Գևորգյանի պաշտպան Էրիկ Ալեքսանյանը միջնորդել է հետաձգել նիստը՝ հաշվի առնելով այն հանգամանքը, որ իր պաշտպանյալ Արմեն Գևորգյանն ընտրվել է ԱԺ պատգամավոր և այժմ մասնակցում է խորհրդարանի աշխատանքներին։

Դատախազ Գևորգ Բաղդասարյանը դատարանին առաջարկել է հաջորդ դատական նիստին բերման ենթարկել Արմեն Գևորգյանին:

Հաշվի առնելով, որ դատական նիստը չի կարող շարունակվել առանց դատավարության մասնակիցներից որևէ մեկի, դատարանը հետաձգել է գործի քննությունը՝ մինչև օգոստոսի 17-ը, ժամը 13:00-ն: