«Արտաքին աշխարհի հետ ձեր միակ կապն այն է, որ եղել եք Մոնակոյում»․ Մանուկյանը՝ Աղաջանյանին

Այսօր՝ ԱԺ նիստում «Հայաստան» խմբակցության պատգամավոր Արեգնազ Մանուկյանը, դիմելով ՔՊ-ական, «Արտաքին հարաբերությունների մշտական հանձնաժողովի նախագահի թեկնածու Էդուարդ Աղաջանյանին, ասաց․ «Այստեղ ներկայացվեց ձեր կենսագրությունը, որից պարզ դարձավ, որ Արտաքին հարաբերությունների ոլորտում դուք փորձ չունեք, եթե չասենք՝ ընդհանրապես առնչություն չունեք։ Արտաքին աշխարհի հետ, թերևս, ձեր միակ կապն այն է, որ եղել եք Մոնակոյում և, կարծես թե, չորս օտար լեզուների եք տիրապետում։ Փաստորեն, դուք հավակնում եք այդպիսի բարձր պաշտոնի և առնվազն պետք է կարողանաք ԵԽԽՎ-ն տարբերել, ասենք թե, Եվրոտեսիլից»։
Այնուհետև շարունակելով իր միտքը՝ Մանուկյանն անդրադարձավ Աղաջանյանի՝ դիջեյ լինելու հանգամանքին։
«Ասում են նաև, որ դուք լավ դիջեյ եք․․․Ցավոք, ձեր դիջեյական կարողությունները ԵԽԽՎ-ում պետք չեն գա։ Պարո՛ն Աղաջանյան, փոխարենը շատ կարևոր է՝ արդյո՞ք դուք տիրապետում եք Արցախի հարցին, թե ոչ, և արդյոք համամիտ եք ձեր քաղաքական առաջնորդի հայտարարության հետ, որ Արցախը Հայաստան է և վերջ, և հասկացե՞լ եք այդ հայտարարության վտանգավորությունը»․- հարցրեց Մանուկյանը։
«Տիկի՛ն Մանուկյան, անչափ շնորհակալ եմ բովանդակային հարցադրման համար, դուք ինձ ուղղակի տապալեցիք»,- ասաց Աղաջանյանը՝ հրաժավելով պատասխանել Մանուկայնին։