«Թշնամի երկրի ներկայացուցիչների հետ Նովրուզը տոնած Մարիա Կարապետյանը մեր հայրենասիրությունը կասկածի տակ էր դնում». Մամիջանյան

«Որևէ նոր բան չեմ ասի. ինձ համար շատ անընկալելի էր, որ թշնամի երկրի ներկայացուցիչների հետ իրենց տոնը՝ Նովրուզը, պարերով տոնած և ուրախացած Մարիա Կարապետյանը մեր հայրենասիրությունը և հանուն հայրենիքի աշխատելու ունակությունները, երեկ կասկածի տակ էր դնում»,- ԱԺ իր խոսքում, անդրադառնալով «Քաղաքացիական պայմանագիր» խմբակցության պատգամավոր Մարիա Կարապետյանի ելույթին, ասաց «Պատիվ ունեմ» խմբակցության պատգամավոր Հայկ Մամիջանյանը:

«Տիկի՛ն Կարապետյան, էդ շատ լավ է, որ Դուք սկսել էր Սերժ Սարգսյանի ելույթները կարդալ, բայց որ կարդում եք՝ ամբողջությամբ կարդացեք, որ մեջբերում եք՝ ամբողջությամբ մեջբերեք»,- ասաց նա՝ հավելելով. «Կազանի բանակցային գործընթացների պարագայում խոսքը երեք իրարից անբաժանելի փաստաթղթերի մասին էր»: