««Պադավատապետության» դեմ խոսող իշխանությունը երկիրը վերածել ա պադավատապետության և ոստիկանապետության»․ Մանուկյանը՝ Տիգրանյանին

Այսօր՝ ԱԺ նիստում, «Հայաստան» խմբակցության պատգամավոր Արեգնազ Մանուկյանը դիմելով ԱԺ աշխատանքի և սոցիալական հարցերի հանձնաժողովի նախագահի թեկնածու, ՔՊ խմբակցության անդամ Հերիքնազ Տիգրանյանին, հարցրեց, թե երբ է իշխանությունը դադարեցնելու ինքնապարգևատրումների մեխանիզմը, և երբ է կենսաթոշակառուներին հատկացվելու արժանապատիվ կենսաթոշակ։

«Մինչև 2025 թվականը մենք նախանշել ենք, որ կենսաթոշակի կամ նպաստի նվազագույն չափերը պիտի բարձրանան 40 հազարդ դրամի չափով»,- պատասխանեց Տիգրանյանը։

Անդրադառնալով պարգևատրումներին Հերիքնազ Տիգրանյանն ասաց, որ դրանք տրվում են լավ աշխատանքի կամ կատարողականի դիմաց։

«Եթե նկատի ունեք պատգամավորներին, ապա այդ գումարները պատգամավորները մոտ 1 տարի՝ 2020 թվականի փետրվարից, չեն ստացել, որևէ պարգևատրում։ Տիգրանյանը նշեց, որ գործադիր մարմնում պարգևատրումներ կան, եղել են և կլինեն՝ որպես հանրային ծառայողներին խրախուսելու, լավ աշխատանքը գնահատելու միջոց։

«Որևէ վատ բան չկա լավ վարձատրության մեջ», - հավելեց նա։

Ի պատասխան Մանուկյանն ասաց․ ««Պադավատապետության» դեմ խոսող իշխանությունը երկիրը վերածել ա «պադավատապետության և ոստիկանապետության»»։