«Հեռվաշենի ցանկացած գյուղում ավելի քաղաքական թեմաներ կգտնեք, քան՝ ԱԺ-ի զինառատ միջանցքներում»․ Ստեփան Դանիելյան

Քաղաքագետ Ստեփան Դանիելյանը ֆեյսբուքյան իր էջում գրել է․ «Անհասկանալի է, թե ինչու են լրագրողները վատ զգում, որ իրենց մեկուսացնում են ԱԺ աշխատանքներից: Չեմ կարծում, որ ԱԺ-ում ինչ-որ կարևոր դեպքեր են կատարվում, կամ՝ կատարվելու, կամ կենսական բանավեճեր են ընթանում, կամ քաղաքական մտքի թռիչքներ ենք տեսնում, որոնք լրագրողների լուսաբանման համար կարևոր են:
Գործող իշխանության խնդիրն է ԱԺ-ի հանդեպ արհեստական հետաքրքրություն բորբոքել, քաղաքական բուռն կյանքի իմիտացիա ստեղծել ու մարդկանց զբաղեցնել դրանով (եթե դա չեն ուզում, ավելի լավ), սակայն ինչի համար է դա պետք իրենք իրենց հարգող լրագրողներին, անհասկանալի է:
Հարցազրույց վերցնելը մասնագիտություն չի, լրագրության գլխավոր գործիքն էլ միկրոֆոնը չի:
Հեռվաշենի ցանկացած գյուղում ու քաղաքում ավելի կարևոր նյութեր է կարելի գտնել, որոնք բացահայտում են իրականությունը, քան ԱԺ-ի զինառատ միջանցքներում, այնտեղ ավելի շատ քաղաքական թեմաներ կգտնեք, քան ձեր սիրած վայրում:
Կամ գոնե այդ ժամանակն օգտագործեք որևէ մասնագիտական գրականության վրա, այդտեղ ավելի շատ պատասխաններ կգնեք ձեզ հուզող հարցերին, եթե իհարկե նման հարցերը հուզում են»: