Հայտնի է՝ ով կլինի Հայաստանում Ուրուգվայի առաջին դեսպանը

ՀՀ վարչապետ Նիկոլ Փաշինյանն այսօր ընդունել է պաշտոնական այցով Հայաստանում գտնվող Ուրուգվայի արտգործնախարար Ֆրանսիսկո Բուստիժոյին։ Տեղեկությունը հայտնում է վարչապետի մամուլի ծառայությունը։
Փաշինյանը ողջունել է բարձրաստիճան հյուրին՝ հայտնելով, որ մեծ ուրախությամբ է տեղեկացել Երևանում դեսպանատուն բացելու Ուրուգվայի որոշման մասին: «Մենք ինքներս էլ քննարկում ենք Ուրուգվայում դեսպանատուն բացելու հնարավորությունը, և ձեր որոշմամբ դուք օգնեցիք, որ մենք ավելի շուտ որոշում կայացնենք»,– ասել է նա՝ հույս հայտնելով, որ երկու երկրների բարեկամական մթնոլորտը կամրանա նաև տնտեսական հարաբերությունների սերտացմամբ։
Ուրուգվայի արտգործնախարար Ֆրանսիսկո Բուստիժոն շնորհակալություն է հայտնել ջերմ ընդունելության համար և հայտնել է, որ արդեն իսկ որոշվել է, թե ով է լինելու Հայաստանում Ուրուգվայի առաջին դեսպանը։ Նրա խոսքով՝ այդ պաշտոնում կնշանակվի Հայաստանում Ուրուգվայի ներկայիս հյուպատոս Էդուարդո Ռոսենբրոկը:
Փաշինյանն ընդգծել է, որ Ուրուգվայը հատուկ տեղ է զբաղեցնում հայ ժողովրդի սրտում որպես Հայոց ցեղասպանությունն առաջինը պաշտոնապես (1965թ.) ճանաչած պետություն: Վարչապետը բարձր է գնահատել ԼՂ հիմնահարցի վերաբերյալ Ուրուգվայի անկողմնակալ և կառուցողական դիրքորոշումը և նշել, որ Հայաստանը երախտապարտ է 2020թ. հոկտեմբերին Ուրուգվայի Սենատի ընդունած բանաձևի համար, որը դատապարտում է Թուրքիայի կողմից վարձկանների ներգրավումը պատերազմում, և Ներկայացուցիչների պալատի բանաձևի համար, որը դատապարտում է Ադրբեջանի կողմից մարդու իրավունքների խախտման և քաղաքացիական ենթակառուցվածքների ռմբակոծման դեպքերը:

Նիկոլ Փաշինյանը Պնոմպենում կմասնակցի Ֆրանկոֆոնիայի միջազգային կազմակերպության 20-րդ գագաթնաժողովին
31514.11.2026, 11:40
Հայտնի է, թե որ համարների ներքո հանդես կգան դեկտեմբերի 13-ի ՏԻՄ ընտրություններին մասնակցող ուժերը
32314.11.2026, 10:42
ՊԵԿ-ը պարզաբանում է տարածել (տեսանյութ)
41913.11.2026, 15:42
Քուշների և Ուիթքոֆի հետ հանդիպումից հետո Պուտինը հրավիրել է Անվտանգության խորհրդի նիստ
47912.11.2026, 23:48
Արարատ Միրզոյանն ու Կալասը քննարկել են ՀՀ-ԵՄ գործընկերության զարգացման օրակարգային հարցեր
36312.11.2026, 22:30
Էլեկտրաէներգետիկ ցանցերի փոխկապակցում, անդրսահմանային ջրային ռեսուրսների ոլորտում համագործակցություն... ինչ են քննարկել Փաշինյանն ու Ալիևը
35912.11.2026, 21:48
Դուբլինում ընթանում է Փաշինյան-Ալիև հանդիպումը (տեսանյութ)
30612.11.2026, 20:24
Երբ Հայաստանը որոշի մարել անդամավճարների պարտքը, կարող է մասնակցել ՀԱՊԿ-ի աշխատանքներին
39011.11.2026, 20:48