«Ադրբեջանի նոր առաջարկությունները նոր կորուստներ են ենթադրում». Տիգրան Աբրահամյան

«Պետք է արձանագրել, որ Հայաստանում սահմանների շուրջ ստեղծված իրավիճակը ճգնաժամ է:»,- ԱԺ ճեպազրույցում, խոսելով ՀՀ սահմանին ստեղծված լարվածությունից, ասաց «Պատիվ ունեմ» խմբակցության պատգամավոր Տիգրան Աբրահամյանը:

«Պետք է արձանագրենք, որ մեր սահմանների շուրջ ստեղծված իրավիճակը պայմանավորված է նաև նրանով, որ նոյեմբերի 9-ից հետո մեր անվտանգային համարակարգի վերականգնման ուղղությամբ հրատապ միջոցառումներ չեն իրականացվել, ինչից օգտվելով Ադրբեջանը տարբեր կոշտ հայտարարություններ է անում և սահմանին իրեն նման լկտի ձևով է դրսևորում»,- ասաց նա։

Տ. Աբրահամյանի խոսքով՝ Ադրբեջանն այս ընթացքում հանդես է եկել նոր առաջարկություններով, որոնք պարտադրանք են,. «Դրանք նոր կորուստներ են ենթադրում, և Ադրբեջանն այդ ամենին հասնելու համար գնում է սահմանային սադրանքների»,- նշեց պատգամավորը։