Արմեն Գևորգյանի պաշտպանն իր պաշտպանյալի անձեռնմխելիության հարցով ՍԴ դիմելու միջնորդություն ներկայացրեց

Նախկին փոխվարչապետ, ԱԺ «Հայաստան» խմբակցության պատգամավոր Արմեն Գևորգյանի պաշտպան Էրիկ Ալեքսանյանն այսօր միջնորդություն ներկայացրեց դատարանին՝ Արմեն Գևորգյանի անձեռնմխելիությունը հաղթահարելու հարցով՝ ՍԴ դիմելու պահանջով։

Պաշտպանի խոսքով՝ պատգամավորի նկատմամբ քրեական հետապնդում կարող է հարուցվել բացառապես ԱԺ թույլտվությամբ։ Ըստ Ալեքսանյանի՝ եթե մի օր պարզվի, որ Գևորգյանն ունի անձեռնմխելիություն և այդ պայմաններում դատավճիռ կայացվի, ապա այն կլինի հակասահմանադրական։

Դատարանը հետաձգեց միջնորդության քննությունը՝ մինչև «Հայաստան» խմբակցության կողմից ՍԴ դիմում ներկայացնելը։