«Պարզ ա չէ՞, որ սա այլանդակ անարդարություն ա»․ Էդգար Մարուքյան

ԼՀԿ ղեկավար Էդմոն Մարուքյանի եղբայր Էդգար Մարուքյանը ֆեյսբուքյան իր էջում գրել է. «Պահեստազորի անձնակազմին, այսինքն մեկ անգամ ծառայած երիտասարդներին հիմա էլ կանչում են եռամսյա հավաքների ու ասում են, որ կարող ա նույնիսկ մարտական հերթապահության տանեն:
Ու, բնականաբար, երիտասարդները դժկամությամբ են վերաբերվում այս լուրին, ընդվզում են և չեն ուզում ևս մի քանի ամիս կտրեն իրանց կյանքից ու գնան այդ անկազմակերպ վտանգավոր գործին:
Պատճա՞ռը... ցանկացած ծառայած ջահել ունի առնվազն 5-10 ընկեր/ծանոթ, ովքեր անկապ պատճառներով ազատվել են բանակից:
Ու հիմա օրհասական պահերին, երկրի բեռը էլի ընկնում ա են փոքրաթիվ ծառայածների վրա, ովքեր արդեն առնվազն 2 տարի իրանց կյանքից դրել են երկրի պաշտպանության գործին:
Պարզ ա չէ՞, որ սա այլանդակ անարդարություն ա: Սա խորքային, հիմնահատակ կատաստրոֆիկ անարդար մեխանիզմ ա:
Ոչ մեկ չի խոսում սրա մասին: Ոչ մեկ:
Ոչ մեկ չի ուզում նեղացնի իրա 5-10 վերոհիշյալ ընկերներին: Բայց ընկերների որոշելիքը չի սա:
Պետական կառավարման լոգիկան ա սենց զզվելի ու անարդար:
Ու սենց մինչև ե՞րբ...»։