«Մխիթարյան Ռուբիկը նոր դատավոր չէ այս իշխանություններին ծառայելու տեսանկյունից». Վարդևանյան

Փաստաբան, «Հայաստան» դաշինքի պատգամավոր Արամ Վարդևանյանը, անդրադառնալով Արմեն Չարչյանի գործով դատարանի այսօրվա որոշմանը, ասաց. «Վերաքննիչ քրեական դատարանի դատավոր Մխիթարյան Ռուբիկը նոր դատավոր չէ այս իշխանություններին ծառայելու տեսանկյունից. 2018թ. դեկտեմբերին ՀՀ երկրորդ նախագահ Ռ. Քոչարյանին կալանավորելու ցուցումը, պատվերը կատարող դատավորն էր... Այն, որ ՀՀ-ում պատգամավորի անձեռնմխելիությունը պարզ չէ ինչ իմաստ ունի այլևս, դժվարանում եմ ասել: Տպավորություն կա, թե ընդդիմադիր խմբակցությունների համար էական նշանակություն ունի այն. բացարձակ. նույնիսկ կարող եմ ասել՝ թող անձեռնմխելիությունը վերացնեն Սահմանադրությունից: Բայց մի բան է, որ Սահմանադրությամբ կա նորմ, որը դարձել է գոյություն չունեցողին համարժեք ինստիտուտ. սա աբսուրդ է»: