«Մարդկանց խաբելու և թոզ փչելու հերթական թատրոնն է ԱԺ-ում»․ Արտակ Զաքարյան

«Պատիվ ունեմ» դաշինքի անդամ Արտակ Զաքարյանը ֆեյսբուքյան իր էջում գրել է. «Ի՞նչ է ասում կապիտուլյացիոն ծրագիրը և ինքը՝ կապիտուլյանտը ԱԺ ելույթում․
Ըստ կապիտուլյանտի՝
1. Հայ ժողովրդի մի հատվածը ևս կապիտուլյանտ է, որովհետև քվեարկել է ծնկաչոք խաղաղություն մուրալու թուրքամետ ՔՊ ծրագրին։
2. Հայաստանը (ՔՊ-Նիկոլ) պատրաստ է իր «ահռելի տարածքների» որոշ սահմանամերձ հատվածներ սիրով զիջել Ադրբեջանին։
3. Թուրքիայի և ազերների հետ ուզենք-չուզենք պետք է լավ լինենք, պետք է բաթումիզացնենք մեր երկիրը, պետք է լուռ կատարենք նրանց պահանջերը, այլապես նրանք մեզ կսպանեն որպես թշնամի։ Իսկ որպես բարեկամ՝ գուցեև միանգամից չսպանեն մեզ, այլ բավարարվեն՝ մեզ մեր երկրից վռնդելով։
4. Կոմունիկացիաների բացումը թեկուզ մեծ ռիսկեր է պարունակում, բայց այլընտրանք չունենք, պետք է թողնենք թուրքերն ու ադրբեջանցիք անցուդարձ անեն մեր երկրով։ Մենք էլ իրենց տարածքով գնանք Իրան և ՌԴ (սա զավեշտ է, որովհետև դա ոչինչ չի տալու հայ բիզնեսին)։
5. Արցախի ճակատագիրը և վերջնական կարգավիճակը թուրքամետ ՔՊ-ին այլևս չի հետաքրքրում։ Եթե ԵԱՀԿ ՄԽ ցանկություն ունի, թող ինքը զբաղվի (այլապես կապիտուլյանտը գոնե կցկտուր կխոսեր իր դիրքերոշման մասին՝ նշելով ՀՀ պահանջը Արցախի հարցում)։
6. Հայաստանի և Արցախի անվտանգության պատասխանատվությունը ռուսների վրա է։ Նույնիսկ Արցախում և Հայաստանի սահմաններին մեր զինվորների գերեվարման մեղքը ռուսական խաղաղապահներին է։
7. Հայոց Ցեղասպանության միջազգային ճանաչումը միջազգային հանրության գործն է։
8. ԵՄ-ն խոստացել է փող տա, որ գործ անենք՝ հետևաբար արևելյան գործընկերությունը լավ բան է։
Մնացածը պարզ արտագրություն էր նախորդ բոլոր կառավարությունների ծրագրերից։
Մարդկանց խաբելու և թոզ փչելու հերթական թատրոնն է ԱԺ-ում։
Իսկ կարո՞ղ է կապիտուլյացիոն կառավարությունը խոսել նախորդ երեք տարիների իր ձեռքբերումների մասին։ Կա՞ թեկուզ մեկ ծրագիր, թեկուզ չնչին առաջընթաց, որը պրոթուրքական ՔՊ-ի շնորհիվ է իրականացվել»։