«Խոսելու իրավունքից զրկում եմ Ձեզ». ԱԺ-ում կրկին լարված է

Իրարանցում սկսվեց «Պատիվ ունեմ» խմբակցության պատգամավոր Աննա Մկրտչյանի՝ վարչապետին ուղղված «էս անձնավորությունը իր հետ դահլիճ է բերել ախրանիկներ, որոնք երբևէ ԱԺ չեն մտել...» արտահայտությունից հետո, ԱԺ խոսնակը նախազգուշացում հայտարարեց: Դահլիճում աղմուկ բարձրացավ, տեղերից արձագանքող ՔՊ֊ականներին Մկրտչյանը անվանեց կապիտուլյանտ։ Ալեն Սիմոնյանը լռության կոչ արեց. «Տիկի՛ն Մկրտչյան, մի՛ ստիպեք Ձեզ զրկել խոսքի իրավունքից: Դուք հարց չէիք տալիս, Դուք սադրում էիք... Մեկ նիստի ընթացքում խոսելու իրավունքից զրկում եմ Ձեզ և դուրս կհրավիրեմ»,- ասաց նա: