«Ես չեմ տեսել վարչապետին, ակնոցս ընկել էր ոտքիս տակ»․ Սեյրան Օհանյան

«Ծեծկռտուք տեղի չի ունեցել, բախում է եղել, հրմշտոցներ»,- քիչ առաջ ԱԺ նիստերի դահլիճից դուրս գալով՝ լրագրողների հետ զրույցում ասաց «Հայաստան» խմբակցության պատագամավոր Սեյրան Օհանյանը։

Հարցին, թե վարչապետը մասնակցում էր հրմշտոցներին, Օհանյանը պատասխանեց․ «Ես չեմ տեսել վարչապետին, որովհետև ակնոցս ընկել էր ոտքիս տակ»։

Հիշեցնենք, որ ԱԺ-ում այսօր ՔՊ-ական Հայկ Սարգսյանի ելույթի ժամանակ սկսվեց վիճաբանություն։ Օհանյանը ջրի շիշը նետեց Սարգսյանի վրա, վերջինն էլ իր հերթին՝ Օհանյանի ուղղությամբ։ Պատգամավորները սկսեցին շշեր նետել միմյանց վրա։ Անվտանգություն հրավիրվեց դահլիճ, նիստն ընդմիջվեց։