Բայդենը մերժում է Եվրոպայի դիմումներն ու հավատարիմ մնում իր վերջնաժամկետին

1479

Չորեքշաբթի, 25 օգոստոսի, 2021 թ., 17:36

Միացյալ Նահանգները մտադիր է մինչև օգոստոսի 31-ը ավարտին հասցնել Աֆղանստանից մարդկանց տարհանման գործընթացը: Այս մասին հայտարարել է ԱՄՆ նախագահ Ջո Բայդենը, գրում է Reuters-ը: Նրա խոսքերով, ամեն բան արվում է ժամկետների սահմանում: «Որքան շուտ մենք կարողանանք ավարտել այս օպերացիան, այնքան լավ: Յուրաքանչյուր օրվա հետ մեծանում է ռիսկի գործոնը մեր զորքերի համար: Գործողության ավարտը կախված է նրանից, թե արդյոք «Թալիբան»-ը կշարունակի համագործակցել մեզ հետ և կապահովի մուտքը դեպի օդանավակայան»,-ասել է ԱՄՆ նախագահը: Հաղորդվում է, որ Բայդենի այս որոշումը չի արդարացրել ԱՄՆ դաշնակից երկրների առաջնորդների սպասելիքները:

Հիշեցնենք, որ նախօրեին տեղի ունեցած «Մեծ յոթնյակի» վիրտուալ հանդիպման ժամանակ վերջիններս կոչ էին արել Միացյալ Նահանգների նախագահին՝ տարհանման համար ավելի շատ ժամանակ տրամադրել: