Հովիկ Աղազարյանը հայտնեց՝ ով է ընդդիմադիրներից իր համար ամենավտանգավորը

ՔՊ-ական պատգամավոր Հովիկ Աղազարյանն այսօր ԱԺ-ում ելույթի ժամանակ հայտնեց, թե ընդդիմադիրներից ով է իր համար ամենավտանգավոր պատգամավորը: Նախքան Աղազարյանը կասեր «վտանգավոր պատգամավորի» անունը դահլիճից հնչեցին տարբերակներ՝ «Աննա Մկրտչյանի՞ն», «Արմեն Գևորգյանի՞ն»:

«Ես վտանգավոր եմ համարում Տիգրան Աբրահամյանին: Ինչո՞ւ. որովհետև Աննա Մկրտչյանը երիտասարդ ա, ցավով ա ապրում էն կորուստները, որոնք մենք ունեցել ենք, և զգացմունքային ֆոնի վրա երբեմն թույլ ա տալիս ավելորդություններ, թող ների ինքը ինձ: Բայց Տիգրան Աբրահամյանը սադիստի համառությամբ միտք է ասում, օրինակ եռակողմ հայտարարության մասին, որը կետերով գրված է, բայց նա ասում է՝ չկար, դուք տվեցիք էդ հողերը»,- ասաց նա: