«Գերագույն գլխավոր դեբիլը մի հատ ձեռս ընկնի էլի». անհետ կորածի հայր

Անհետ կորած զինծառայողներից մեկի հայրն արդեն 11 ամիս է՝ որդուց լուր չունի: Ինչպես այսօր Կառավարության դիմաց լրագրողների հետ զրույցում նշեց նա, մի քանի անգամ հանդիպել է վարչապետ Փաշինյանի հետ, բայց ապարդյուն. խնդրին որևէ լուծման, կամ հանգուցալուծման երաշխիք չի տրվել:

«11 ամիս ա՝ տղես չկա: Մի երկու անգամ մտել եմ մեր գերագույն գլխավոր դեբիլի մոտ, հարցրել եմ՝ ի՞նչ եք անում մեր երեխեքին գտնելու, հետ բերելու համար. ասում ա՝ ի՞նչ պտի անենք, էս տանք, էն տանք... նենց ա պատասխանում, ոնց որ սուրբ ա էլի, բայց բոլորս էլ գիտենք՝ ինքը ով ա, ինչացու ա: Ասում եմ՝ տվե՛ք, որը որ վնաս չի մեր պետությանը, տվե՛ք, իսկ ինքը ասում ա՝ չէ, չէ, դե անում ենք, աշխատում ենք: Իրանք անկաշառ սրբեր են, եկել նստել են ստեղ: Մի հատ ձեռս ընկնի էլի...: Հիմա էլ նիստ են անում, ի՞նչ են որոշում. իրանց աշխատավարձերը շատացնե՞ն, թե՞ չգիտեմ՝ ինչերը»,- ասաց անհետ կորած զինծառայողի ծնողը՝ հավելելով, որ կառավարությունից իրենց ոչ ոք չի հանդիպել:

Ինչպես ավելի վաղ հայտնել էինք, անհետ կորած զինծառայողների մի խումբ ծնողներ գիշերել են Կառավարության դիմաց: