Բաբկեն Թունյանը՝ Տնտեսական հարցերի հանձնաժողովի փոխնախագահ

ՔՊ-ական պատգամավոր Բաբկեն Թունյանը ֆեյսբուքյան իր էջում գրել է. «Քիչ առաջ ավարտված ԱԺ տնտեսական հարցերի մշտական հանձնաժողովի նիստում
ընտրվեցի Տնտեսական հարցերի մշտական հանձնաժողովի փոխնախագահ:
Շնորհակալություն եմ հայտնում «Քաղաքացիական պայմանագիր» խմբակցությանը՝ վստահության և այս կարևորագույն հանձնաժողովում որպես փոխնախագահ ինձ առաջադրելու համար:
Տնտեսական հարցերի մշտական հանձնաժողովը այն հիմնական հարթակներից է, որի միջոցով կյանքի են կոչվելու մեր ծրագրերն ու բարեփոխումները՝ ի նպաստ Հայաստանի Հանրապետության տնտեսության զարգացման և մեր քաղաքացիների կյանքի որակի բարձրացման:
Առջևում շատ անելիքներ ունենք, այնպես որ, ի գործ»: