Կիրակի, 24 հոկտեմբերի, 2021 թ.
|
Ստեփանակերտում`   +15 °C

«Վրաստանը Հայաստանի ուղղությամբ վերաարտահանում է իրականացնելու. բարդ չէ կռահել՝ որտեղից». Վահե Դավթյան

«Վրաստանը Հայաստանի ուղղությամբ վերաարտահանում է իրականացնելու. բարդ չէ կռահել՝ որտեղից». Վահե Դավթյան
288
Շաբաթ, 28 օգոստոսի, 2021 թ., 03:06

«Մեկ Հայաստան» կուսակցության քաղխորհրդի անդամ Վահե Դավթյանի գրառումը. «Հայաստանի ադրբեջանացումը շարունակվում է
Այսօր՝ պետականության բացակայության պայմաններում էկոնոմիկայի նախարարի ֆիկտիվ պաշտոնը զբաղեցնող անձը խոսել է առաջիկայում մեծ ներդրումային ծրագրի իրականացման մասին, որի արդյունքում Հայաստանում կստեղծվի բենզալցակայանների նոր ցանց, որը Ռուսաստանից ու Վրաստանից ներկրված բենզին կվաճառի:
Ռուսաստանի մասով ամեն ինչ առավել քան պարզ է: 2013-ին «Ռոսնեֆտի» հետ կնքված պայմանագրի առանձին դրույթներ կարող են շտկվել, բայց մեծ հաշվով Ռուսաստանը շարունակելու է մնալ հայաստանյան վառելիքային շուկայի առանցքային խաղացողներից մեկը:
Ինչ վերաբերում է Վրաստանին, ապա հայտնի է, որ այն չունի նավթավերամշակման հզորություններ, հետևաբար, Վրաստանը Հայաստանի ուղղությամբ վերաարտահանում է իրականացնելու: Բարդ չէ կռահել՝ որտեղից:
Նշեմ, որ վերջին տարիներին Թբիլիսին շարունակաբար ավելացնում է բենզինի ու դիզվառելիքի ներկրումն Ադրբեջանից, իսկ ադրբեջանական SOCAR-ն ակտիվորեն ընդլայնում է սեփական բենզալացկայանների ցանցը վրացական շուկայում»:

Աղբյուրը`   Վահե Դավթյան