«Չարչյանի առողջական վիճակը կալանքի հետ անհամատեղելի է, բայց նրան կրկին հետ են բերում «Վարդաշեն» ՔԿՀ»․ Վարդևանյան

«Այն ամենը, ինչն այսօր կտարվում է իրավապահ համակարգում, անհասկանալի է»,- այսօր՝ լրագրողների հետ զրույցում, ասաց «Հայաստան» խմբակցության պատգամավոր Արամ Վարդևանյանը։

«Կարծես թե շատ կոնկրետ նպատակ է հետապնդվում՝ Արմեն Չարչյանի կյանքն ամեն ձև վտանգելու, և մենք հասել ենք այնպիսի աստիճանի, որ կալանավորումն առհասարայկ անհամատեղելի է Արմեն Չարչյանի առողջական վիճակի հետ, բայց բոլոր դեպքերում այսօր իրեն նորից տեղափոխում են հետ՝ «Վարդաշեն» քրեակատարողական հիմնարկ, որտեղ փաստացի ինֆարկտային վիճակի էր նա հասել»,- նշեց Վարդևանյանը։