«Չարչյանի խափանման միջոցը գրավի դիմաց փոփոխելու միջնորդություն ենք ներկայացրել դատարան»․ պաշտպան

«Քաղաքացիական հիվանդանոցից ստացել ենք համապատասխան էպիկրիզներ․ այն հիվանդությունները, որոնք ախտորոշվել են պարոն Չարչյանի մոտ, անհամատեղելի են կալանավորման հետ»,- այսօր՝ լրագրողների հետ զրույցում ասաց բժիշկ Արմեն Չարչյանի պաշտպան Էրիկ Ալեքսանյանը։
«Մենք ներկայացրել ենք դատարանին գրավի միջնորդություն, խնդրել ենք հրատապ դատական նիստ հրավիրել և քննարկել խափանման միջոցի փոփոխման հարցը՝ հենց այն հիմքով, որ փաստացի հայտնաբերված հիվանդությունը անհամատեղելի է կալանավորման հետ»,- նշեց Ալեքսանյանը։

Հիշեցնենք, որ այսօր Արմեն Չարչյանը բժշկական կենտրոնից տեղափոխվել է «Վարդաշեն» ՔԿՀ։