«ՀՀ-ն պատրաստ է սահմանազատման և սահմանագծման․ սպասում ենք Ադրբեջանի արձագանքին»․ ԱԽ քարտուղար

«Հայաստանը պատրաստ է սահմանազատման և սահմանագծման: Մենք այդ մասին բաց հայտարարել ենք։ Որևէ աշխատանք այս պահին չի ընթանում, սպասում ենք Ադրբեջանի արձագանքին։ Հուսով ենք, որ Ադրբեջանը ևս դրական կարձագանքի և հնարավորություն կստեղծի սահմանագծման և սահմանազատման աշխատանքները հնարավորինս արագ սկսելու, որպեսզի սահմանին ստեղծված ճգնաժամը արագ լուծենք»,- այսօր լրագրողների հետ զրույցում՝ պատասխանելով սահմանագծման և սահմանազատմանն առնչվող հարցին, ասել է Անվտանգության խորհրդի քարտուղար Արմեն Գրիգորյանը։