«Դժվար է մի մարդուց պահանջել հայրենսիրություն, ով ո՛չ ջուր ունի, ո՛չ նորմալ տանիք». Սոս Հակոբյան

«Պատիվ ունեմ»-ի անդամ Սոս Հակոբյանի գրառումը. «Մինչ, որ շշում եք հոլովակների մեջ Արցախի կամ այլ հայկական տարածքի նկատմամբ անտարբերություն, անգամ հակակրանք տածող մարդկանց, փորձեք նաև մտածել՝ արդյո՞ք կան օբյեկտիվ պատճառներ այդպիսի վարքի...
Ես համաձայն եմ, որ Հայրենիքը վեր է ամեն ինչից, որ դա հենց յուրաքաչյուրիս շահն է ունենալ մեծ և հզոր պետություն, դրա չգիտակցումը տգիտություն է, բայց կան բայցեր ...
Ինչ ուզում ես խոսիր, բայց դժվար է մի մարդուց պահանջել հայրենսիրություն, ով ո՛չ ջուր ունի, ո՛չ նորմալ (չկաթկթող, չփլվող) տանիք գլխավերևում և փորձում է «հաց աշխատել» թշնամու կրակահերթերի տակ: Խելք սովորացնողների քանի՞ տոկոսն է նման պայմաններում ապրում. թե բա՝ «ստամոքսի մասին ա մտածում մենակ», այդ պայմաններում բա ի՞նչ պետք է անի
Այո, եթե չգիտեիք մի գաղտնիք բացեմ ձեզ. մարդու առաջին կենսական պահանջը սնվելն է՝ ջուր խմելը և հաց ուտելը, և մինչև մեծ-մեծ փիլիսոփայելը պետության վզակոթին տվեք, որ սահմանապահ բնակչությունը կարողանա մտածել նաև այլ բաների մասին, քան հանապազօրյա հացն է...»: