Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Ավարտին է մոտենում «Ռուսական կայսրություն» կոչվող մի ամբողջ պատմական դարաշրջան». Վահե Գասպարյան

«Ավարտին է մոտենում «Ռուսական կայսրություն» կոչվող մի ամբողջ պատմական դարաշրջան». Վահե Գասպարյան
440
Երկուշաբթի, 06 սեպտեմբերի, 2021 թ., 21:34

Ազգային ժողովրդավարական բևեռի խորհրդի անդամ Վահե Գասպարյանը ֆեյսբուքյան իր էջում գրել է. «Վլադիմիր Պուտինի ԽՍՀՄ (Ռուսական կայսրության) վերականգնման ցնորքը շուտով կտապալվի:

Ռուսական կայսրություն կոչված այս չարիքը, որը դարեր շարունակ պատճառ է հանդիսացել հարևան ժողովուրդների տառապանքների, շուտով կկանգնի պատմության դաժան դատաստանի առջև:

Ավարտին է մոտենում «Ռուսական կայսրություն» կոչվող մի ամբողջ պատմական դարաշրջան։ Չարիքի այս կայսրությունն ավարտում է իր սև առաքելությունը Հարավային Կովկասում։

Այն հեռանալու է՝ մեր տարածաշրջանի ժողովուրդների հիշողության մեջ դեռ երկար տարիներ թողնելով մռայլ հուշեր, անեծքի և ատելության զգացմունք։

Քաղաքակիրթ աշխարհի հզորներն այլևս մտադիր չեն հանդուրժել Ռուսական կայսրության միջնադարյան ժամանակներին բնորոշ վարքը։

ԱՄՆ և դաշնակիցները վերջնագիր են ներկայացրել պուտինյան ռեժիմին և այն շուտով կավարտվի։ Պուտինյան հանցավոր ռեժիմը տապալվելու է և կանգնելու է պատմության դատաստանի առջև:

Ռուս-թուրք-ադրբեջանական վերջին և հուսահատ քայլերը նպատակ ունեն մեզ՝ հայերիս, ստիպել ստորագրել, այսպես կոչված, «խաղաղության պայմանագրի» տակ, որը կօրինականացնի իրենց սանձազերծած բարբարոսական 44-օրյա պատերազմի արդյունքները։

Դա լինելու է Հայ ժողովրդի համբերության բաժակի վերջին կաթիլը:

Հայ ժողովրդի ցասումը ցունամիի պես կսրբի երկրի ներքին թշնամիներին և Հայաստանը կբռնի ապագաղութացման, ազգային պետության վերածննդի և կայուն զարգացման բաղձալի ճանապարհը:

Նախկին կրեմլահպատակ ռեժիմների այն գործակալները, որոնք դեռ սա չեն գիտակցել, լավ կլիներ անեն դա քանի դեռ ուշ չէ, իսկ ովքեր պատրաստ չեն գիտակցել սեփական սխալները և ապաշխարել, շատ շուտով կկանգնեն Հայ ժողովրդի (Հայկական Նյուրնբերգի) դատաստանի առջև»:

Աղբյուրը`   Վահե Գասպարյան