«Շոումենը շոումենին ձերբակալեց, շոուն պետք է շարունակվի». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Շոումենը շոումենին ձերբակալեց, շոուն պետք է շարունակվի

Համացանցում պատվերով համերգ է, կեղծ հեղափոխականներն այնպիսի հրճվանք են ապրում, որ Գառնիկիչին բռնել են, Աղվան Հովսեփյանին ձերբակալել են։ Տո լո՞ւրջ եք, բա ե՞րբ եք Տիգրան Սարգսյանին, Գագիկ Խաչատրյանին, Ռուբեն Հայրապետյանին, Գագիկ Բեգլարյանին, Հովիկ Աբրահամյանին, Արմեն Ավետիսյանին և մյուսներին ձերբակալելու, հետո բաց թողնելու, որ վերջում Մարդու իրավունքների եվրոպական դատարանը վճռի՝ նրանց իրավունքների խախտման համար ՀՀ պետական բյուջեից քանի տասնյակ հազար եվրոյի փոխհատուցում տրվի։

Աղվան Հովսեփյանը մեծ շոումեն է, համազգային ծառատունկ արեց, Արագածի շուրջը համազգային պար կազմակերպեց, դրանք ավելի ավելի մեծ շոումեն Նիկոլ Փաշինյանին երևի դուր չեն եկել, նա տվել է հրաման, որ Գառնիկիչը պետք է ձերբակալվի, իսկ շոուն պետք է շարունակվի»։