«Չին-ամերիկյան հակամարտությունը վտանգում է ոչ միայն այդ երկրները, այլ ամբողջ աշխարհը». Սի Ցինպին

ԱՄՆ-ի և Չինաստանի միջև հակամարտությունը վտանգի տակ է դնում ոչ միայն այդ երկրները, այլ նաև ամբողջ աշխարհը: Այս մասին հայտարարել է ՉԺՀ նախագահ Սի Ցինպինը՝ ԱՄՆ առաջնորդ Ջո Բայդենի հետ հեռախոսազրույցի ընթացքում: Նախագահը հավելել է, որ ԱՄՆ-ի վարած քաղաքականությունը հանգեցրել է բարդությունների՝ չին-ամերիկյան հարաբերություններում: Ստեղծված իրավիճակը չի բավարարում ո՛չ երկու երկրներին, ո՛չ էլ մյուս գերտերություններին:

Սպիտակ տան մամլո-ծառայությունն ավելի վաղ հայտարարել էր, որ երկու երկրների առաջնորդները հեռախոսազրույցի ընթացքում քննարկել են այն ոլորտները, որտեղ ԱՄՆ-ի և Չինաստանի շահերը ոչ միայն համընկնում են, այլև՝ տարբերվում: Բացի այդ, կողմերն անդրադարձել են նաև պատասխանատվության ապահովումը՝ ԱՄՆ-ի և Չինաստանի միջև, որպեսզի մրցակցությունը չվերածվի հակամարտության: