«Սովետախտն է, որ պորտալարով կապած է պահում մեզնից հոգնած ու մեր հավեսը չունեցող Ռուսաստանին»․ Ս․ Սիմոնյան

«Կանայք հանուն ժողովրդավարության» ՀԿ-ի ղեկավար Սյուզաննա Սիմոնյանի գրառումը․ «Սովետը 30 տարի է չկա, բայց սովետը դեռ մեր մեջ է, մեր գիտակցության և հատկապես մեր քաղաքական մտքի մեջ, մեր կեղծիքներով լի պատմագիտության մեջ և ամենուր, նույնիսկ վիքիպեդիայում, որը շատ դեպքերում արտատպում է ժամանակի սովետական գրքերը։ Սովետի առկայությունն է, որ մեզ խանգարում է տեսնել իրականությունը, լինել ճկուն աշխարհաքաղաքական վայրիվերումների ժամանակ, հասկանալ, թե ով է մեր թշնամին և ով է բարեկամը։ Սովետախտն է, որ մեզ պորտալարով կապած է պահում մեզնից հոգնած ու մեր հավեսը չունեցող Ռուսաստանին, իսկ մենք կախվել ենք նրա շլինքից ու բաց չենք թողնում։ Ու քանի դեռ մենք սովետից չենք ձերբազատվում, ապա այն վերադառնալու շանս ունի, բայց այս անգամ ոչ թե որպես հանրապետություն, այլ որպես գուբերնիա։
Որ ասում եմ մենք, նկատի չունեմ մեզ՝ ազատամիտներիս»։