Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Չի՛ լինելու լվանալ ո՛չ ձեռքերի վրայի արյունը, ո՛չ էլ կեղծված ընտրությունները». ԱԺ նախագահ

«Չի՛ լինելու լվանալ ո՛չ ձեռքերի վրայի արյունը, ո՛չ էլ կեղծված ընտրությունները». ԱԺ նախագահ
1513
Երկուշաբթի, 13 սեպտեմբերի, 2021 թ., 15:24

«Քոչարյանի փաստաբանն ընտրությունների կեղծման մասին խոսելիս պետք է շատ երկար հետ նայի, կամ՝ «Պատիվ ունեմ»-ի ներկայացուցիչները երբ փորձում են Մուկուչյանի խոսքերը կամ վարչապետի՝ պատգամավոր եղած ժամնանակվա խոսքերն իրար հակադրելով տպավորություն ստենալ, որ նախկին ընտրությունները կեղծված չեն եղել, ապարդյուն աշխատանք է»,- հայտարարեց ԱԺ խոսնակ Ալեն Սիմոնյանը՝ արձագանքելով ընդդիմադիր գործընկերների ելույթներին:

Հիշեցնենք՝ քննարկվում է ԿԸՀ գործունեության մասին հաղորդումը:

«ՀՀ-ում 1996-ից մինչև 2018 թվականը, բոլոր ընտրությունները եղել են կեղծված ու մեծ խախտումներով են անցկացվել, թերևս բացառություն կարող է լինել 1999թ. «Միասնության» դաշինքի օրինակը՝ Վազգեն Սարգսյանի ու Կարեն Դեմիրճյանի քաղաքական ուժը, որը մեծ համակրանք ուներ հանրության կողմից»,- հավելեց Սիմոնյանը:

Դիմելով Արամ Վարդևանյանին՝ խորհրդարանի ղեկավարը շարունակեց. «Պիղատոսը, երբ դժոխքում ա հայտնվում, իրա պատիժն այն է, որ անընդհատ ձեռքերը լվանում է, բայց անընդհատ արյունը թափվում է... Չի՛ լինելու լվանալ ո՛չ ձեռքերի վրայի արյունը, ո՛չ էլ կեղծված ընտրությունները: Դա մնացել է պատմության գրքի մեջ»: