«Երևանը միշտ Ստեփանակերտի թիկունքին է»․ Հայկ Մարության

Երևանի քաղաքապետ Հայկ Մարությանի գրառումը․ «Այսօր Ստեփանակերտի օրն է։
Քիչ առաջ քաղաքապետ Դավիթ Սարգսյանին շնորհավորական ուղերձ փոխանցեցի՝ բոլոր երևանցիների և իմ անունից ջերմագին բարեմաղթանքներ հղելով ստեփանակերտցի մեր քույրերին ու եղբայրներին։
Հայոց աշխարհի երկու մայրաքաղաքները միշտ իրար հետ են եղել ու շարունակելու են իրար հետ լինել թե՛ արհավիրքի պահին, թե՛ ուրախության։ Երևանը միշտ Ստեփանակերտի թիկունքին է, որովհետև Ստեփանակերտը Երևանի թիկունքն է ու հենարանը։ Համոզված եմ, որ համատեղ ջանքերով վերացնելու ենք պատերազմի բոլոր հետևանքները ու շարժվելու առաջ՝ դեպի անվտանգ ու բարեկեցիկ կյանք։
Տոկունություն եմ մաղթում մեր եղբայրներին և անսպառ հավատ՝ վաղվա օրվա նկատմամբ։
Խաղաղություն մեզ, և Աստված պահապան»։