«Անհասկանալի մնաց Նախիջևան էքսկլավի հարցը». Անի Սամսոնյան

ԼՀԿ նախկին անդամ Անի Սամսոնյանը ֆեյսբուքյան իր էջում գրում է․ «Երեկվանից մի հանելուկ չեմ կարողանում լուծել:
Վարչապետ Փաշինյանը հայտարարել է, որ «Սահմանի այս և այն կողմում անկլավներ և էքսկլավներ չպետք է լինեն՝ այսինքն երկու երկրները համապատասխան ճշգրիտ չափերի տարածքների փոխանակում պետք է իրականացնեն»:
Այն, որ առաջիկայում Հայաստանի սուվերեն տարածքից իշխանությունն առանց իրավական հիմքերի պատրաստ է զիջել տարածքներ, որպես «անկլավ», դա հասկանալի է:
Բայց անհասկանալի մնաց Նախիջևան էքսկլավի հարցը: Հիմա եթե Փաշինյանը ուզում է, որ էքսկլավ ու անկլավ չմնա, ոնց է պատկերացնում. Նախիջևանը մեզ տան որպես անկլա՞վ, թե մենք ապահովենք Նախիջևանի և Մայր Ադրբեջանի տարածքային միացումը և փոխենք էքսկլավի կարգավիճակը:
Որ Ալիևը ասեր «ոչ մի անկլավ ու էքսկլավ չի լինելու»՝ հարցեր չէին առաջանա: Այդ մարդը տարածքային նկրտումներ ունի Հայաստանի նկատմամբ:
Բայց որ Հայաստանի վարչապետն է դա հայտարարում, Ալիևին այլ բան չի մնում քան գոհ դեմքով ժպտալ և գլխով համաձայնության ժեստեր անել»: