«Այս ընթացքում մոռացանք մի կարևոր բան»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «Վերջին օրերին իշխանական, ընդդիմադիր և փորձագիտական-քաղաքական շրջանակներում շատ էր խոսվում անկլավ-էքսկլավների ու լուծման հնարավոր տարբերակների մասին:
Բայց այս ընթացքում մոռացանք մի կարևոր բան և այդ մասին ոչ մեկս չենք հիշում.
ա/ Ադրբեջանը զավթել է Հայաստանի սուվերեն տարածքից մոտ 200 քառակուսի կիլոմետր 2021-2022 թվականներին, որը կազմում է ՀՀ 29.743 քառակուսի կիլոմետր 0.8 տոկոսը:
բ/ Ադրբեջանը սահմանի երկայնքով դիրքավորվել է այնպիսի կետերում, որ մերոնք հետ են նահանջել և չեզոք գոտին ձևավորվել է ՀՀ ինքնիշխան տարածքի հաշվին և այստեղ ևս մենք փաստորեն ունենք տարածքներ, որոնք, ըստ էության, չեն կարողանում վերահսկել կամ չունենք մուտք դեպի այդ տարածքներ:
Այսպիսով, փաստացի ՀՀ ինքնիշխան տարածքի ավելի քան 1.5 տոկոսը մասամբ կամ ամբողջովին չեն վերահսկվում մեր կողմից»։